News

Aizawl Municipal Corporation (AMC) hmalakna-a Aizawl khawpui chhunga in tina bawlhhlawh thliar dan leh lakkhawm dan kalphung thar’4- Stream Waste Segregation and Door to Door Collection’ chu Solid Waste Management Rules, 2025 mila kalpui tan turin vawiin (17.9.2026) hian AMC Auditorium-ah UD&PA Minister K Sapdanga’n a tlangzah.

4- Stream Waste Segregation and Door to Door Collection’ kalpui tan tura tlangzarhnaah hian UD&PA Minister chuan faina chu khawvel hmun hrang hrangah changkanna tehfung pawimawh berte zing a mi a nih thu a sawi a, “Mimal, chhungkua, khawtlang, veng, ram leh hnam changkang tur hian fai kan ngaihnat a, fai tura inzirtir leh hmalak a pawimawh tak zet a ni. Ziaktu leh zin mi thenkhatten India rama khawpui fai zingah an tarlan fo,” tiin faina kawnga hmahruaitu nih tum zel turin Aizawl AMC Ward hrang hrang viltute chu a chah.

4- Stream Waste Segregation’ ah hian bawlhhlawh hi chi 4 a then hran a ni. Wet – Bawlhhlawh tawih thei, dry – tawih thei lo, sawngbawl theih, sanitary waste – tawih thei lo, uluk taka fun that ngai leh special care waste – bawlhhlawh, ram leilung leh mihring hriselna atana hlauhawmte a ni.

Bawlhhlawhte hian a paihna bawm rawng hran vek an nei a, a paihna bawn hran siam a nih bakah, a phurhna, sawngbawl dan leh a paihna hmun pawh a hranpa veka buatsaih tur a ni.