Ui khuahkhirh sawiho

Vawiin (15.12.2025) chawhnu khan Kolasib DC Conference Hall-ah SDO (Sadar) H Lalramliana kaihhruaiin, Kolasib khawpui huamchhunga vengtina ui khuarkhirh chungchang sawiho a ni.

Lalramliana chuan Kolasib khawpui huamchhunga ui khuahkhirh kalpui mek a nih thu sawiin, “Mihringin ran kan ngaihnatber chu ui a ni. Chutihrualin khuahkhirh ngai tak kan ran vulh zing a mi a ni a, khuahkhirh that loh chuan vantlang mipuite tana hnawksak leh ui seh avanga ramtuileilo a awm theih. Veng titawp tu leh an zun leh ek in faina kawng thleng harsatna min thlen thei tu a ni. Khuahkhirh lo chuan vantlang tan a him lo. Chuvang chuan mipui kan him tlan zel theih na turin ui khuahkhirh hi a tul tak zet a ni,” a ti.

Meeting-ah hian hun hmasa lama ui chhuak khuahkhirh dan tur thlirletna hun hman a ni. Vengtin VC-te leh YMA hruaitute hnen atangin ui chhuak khuahkhirh chungchanga an hmalak dan report ngaihtlak a ni. Khawlai a ui thahnemtak man a nih tawh thu ngaihtlak niin ui chhuak neitute pawh pawisa chawi tir zel a nih thu an tarlang. Ngawrh leh zual a khawlai a ui chhuah vil zui zel dan sawiho nghal a ni. A theih chin chinah police lamte nena a tangkawpin ui chhuak vil zui zel dan tur chungchang an rel.

He hunah hian sawrkar official te, Kolasib khawpui huamchhunga Village Council member-te leh YMA hruaitute an kalkhawm a ni.