News

Health Department hnuaia National Rabies Control Programme (NRCP) chuan ui seh chungchanga sikul naupangte leh mipui tana hriattur hrang hrang an ti chhuak.

School naupangte tan:

1.Mi ui kan hriat ngai loh chu khawih loh tur.
2.Ui tlanchhia umzui loh tur. Tlan thut lo in muangchangin kalsan tur.
3.Ui mitah chiang taka en loh tur, chona emaw vauna ah an lo ngai thei.
4.Ring taka au vak vak hian ui a ti phawklek a, chuvang chuan aw ki pangai in tawng tur.
5.Mi ui khawih dawnin a neitute dil hmasak tur.
6.Ui thil ei lai leh mu lai tihbuai loh tur.
7.Ui in a zuan che chuan chiai loh tur. Ngil taka din a che tam lo thei ang bera awm tur. Hmai leh nghawng bawr kuta ven tur.
8.Ui in a seh/ham che chuan puitling- nu leh pa, u te, zirtirtute hnenah hrilh vat tur.

Mipui tan:
1.Ui seh hi Rabies (ui a hri) kai na tam ber a nih avangin ngaihthah tur a ni lo.
2.Ui sehna pem uluk takin tui leh sahbawn in minute sawmpanga chhung silfai tur.
3.Pemthar damdawi (Betadine/Dettol) hnawih tur. Thildang hnawih loh tur.
4.Damdaw iinah Anti-Rabies Vaccine (ARV) lak tur. Course kim a lak ngei ngei tur a ni.
5.Kan ui vulh te pawh khuahkhirh a, Anti-Rabies vaccine (kum tin) Vety doctor hnen aṭangin lak tur a ni.
6.Ui damlo heng: khawsik, chaw ei duhlo, chilthli tla duah duah, kawlh thut, zeng, kaih te a an awm in Vety doctor hnenah entir/hriattir tur a ni.