News

Officer a nih piah lamah a hla phuah thiam avanga Mizo mipuite hriat hlawh V Thangzama (92), Dawrpui Vengthar chu nizan (14.5.2026) dar 11:35 khan cancer avangin Aizawl Hospital & Research Centre-ah a thi.

V Thangzama hi March 23, 1934 khan Ngopa khuaah a piang a, unau 10 an ni. Kum 1958-ah City College, Calcutta atangin B.Com. a zo a, kum 1960 khan Vanlalengi, Dawrpui nen an innei. A thih ni thlengin Dawrpui Vengtharah a cheng.

Kum 1959-1961 chhung Mizo H/S-a a thawh hnuah Assam Civil Service-ah a lut a, Mizoram Union Territory a nih hnuah Mizoram Civil Service-ah a inlet. January 1994 khan a pension.

V Thangzama hi October 8, 1978-ah Dawrpui Vengthar Kohhran upa atan nemngheh a ni. Vawiin chhun dar 12 ah Dawrpui Vengthar Presbyterian Kohhran Biak Inah vui a ni ang. Hla thahnem tak phuahin, a lar hlawm hle.

A hla phuah thenkhat :

*Tho la, ding ta che (Khuavel i la chhing ngei ang)

*Siamtu zai ngai mai rawh

*Van aw mawi ri chu ngai r’u

*Rual tin khumtu YMA

*Ka di chhawrthlapui