Feb 28, 2026
Saturday
Vawiin (28.2.2026) hian Khawzawl District Hospital-ah Human Papillomavirus (HPV) Vaccine, Gardasil 4, (HPV Type 6, 11, 16, 18) cancer hrang hrang (a bikin chhul cancer) laka invenna, single dose chu pekchhuah a ni a, Khawzawl Bawrhsap K. Vanlalthiana’n hawnna hun a hmang.
HPV vaccination Campaign Launching Programme hi India ram pumpuiah vawiin khan Prime Minister-in a hawng a ni. Hemi rual hian Khawzawl District-ah pawh vaccine pek hmain inkhawm tawi neih a n.
Khawzawl District hnuaiah vaccine pekna tur hmun PHC/CHC/DH (Rabung PHC, Kawlkulh PHC, Khawhai PHC, Sialhawk PHC, Biate CHC leh District Hospital Khawzawl) ah te hian kum 14 atanga kum 15 leh thla thum chinte vaccine pek an ni a, District Hospital Khawzawl bikah hian Govt. Little Flower School zirlai thlan chhuahte hnenah HPV vaccine single dose hi pek an ni.
Human Papilloma Virus (HPV) Vaccine, Gardasil 4 hi khawvel ram hrang hrang 155-ah pek tawh niin India ram ah pawh vawiin atang hian pek tan a ni. Vaccination campaign hi thla thum (3) chhungin target beneficiary-te hnenah pek kim vek theih beisei a ni.
