News

Vawiin (17.6.2026) chhun dar 12 khan Aizawl Municipal Corporation chuan AMC Conference Hall-ah Dawrpui Veng leh Chhinga Veng khawtlang hruaitute kawmin ramri chungchanga buaina awm chungchang an sawiho a, ramri chungchanga veng pahnihte inkara buaina chingfel turin committee din a ni.

Veng pahnih atanga khawtlang hruaitu kalkhawmte hian committee-in hma a lakna piah lamah hmalakna dang awm tawh lo se tih chu an pawm.

Aizawl Mayor H. Lalremtluanga’n inkawmna hun hi a kaihruai a, executive corporator leh official-te bakah veng pahnih aiawhin Local Council leh NGO hruaitute an tel a ni.

Aizawl Mayor chuan ramria buaina awm chu pawi a tih takzet thu leh chinfel theih a nih a beisei thu a sawi a, buaina awm mek hi a fel thuai theih nan rilru zau tak pu turin veng aiawhte chu a ngen.

Khawtlang hruaitute chuan, “Vawiina veng aiawh kalkhawmte hian Committee on the Land Dispute between Chhinga Veng and Dawrpui in hma a lakna piah lamah hma lak rem kan ti lo a, hmalakna dang reng reng engmah a thlen loh nan hma kan la ang,” tiin resolution an siam.

Veng aiawhte chuan an ramri chungchanga buaina chungchang leh a kaihhnawih thil thleng dangte pawh sawi hoa chingfel turin lungrual takin Committee on Land Dispute between Chhinga Veng and Dawrpui Veng hetiang hian an din:

Chairman : R. Lalawmpuii, Deputy Mayor, AMC.
Vice Chairman : B. Lalawmpuii, Corporator, Ward No. 9
Secretary : K. Vanlalruata, Deputy Municipal Commissioner

Members :
1)Christina Roluahpuii Sailo, Executive Corporator
2)Vanlalhruaia, Executive Corporator
3)Vanlalfaka, Executive Corporator, AMC
4)K Lalrodinga, Executive Corporator
5)Chairman & member pakhat, Local Council (Dawrpui & Chhinga Veng)
6)President & Secretary, YMA (Chhinga Veng & Dawrpui)
7)President & Secretary, MUP (Dawrpui & Chhinga Veng)
8)President & Secretary, MHIP (Chhinga Veng & Dawrpui)
9)R. Rosiama, Chhinga Veng (Prominent Citizen)
10)Vanlalbika, Dawrpui (Prominent Citizen)