Apr 08, 2026
Wednesday
YMA CCC AN THUKHAWM
Central Co-Ordination Committee vawi 105-na chu vawiin (8.4.2026) hian CYMA Conference Hall-ah an thukhawm a, an thurel zingah Mizorama hnamdang sumdawng tam ta lutuk tlem tura nasa zawka hmalak leh Mizo hmeichhiate’n hnamdang pasal atana an neih lohna atan hmalak chhunzawm zel a tel.
YMA Inkhawmpui Lian vawi 74-na thurel bawihzuina :
YMA KHAWIH :
1.’ YMA nihphung, inkaihhruaina leh hruaitute mawhphurhna rampumah inzirtirna neih ni rawh se’ tih chu hemi chungchanga Central YMA-in hmalakna a kalpui dan tlangpui report ngaihthlak niin, hemi kawnga inzirtirna hi nasa leh zual zawka neih nise tih a ni.
- ‘Mizoram chhunga hnamdang sumdawng tam ta lutuk hi ti tlem turin YMA in hma la rawh se’ tih chu Central YMA in hemi chungchanga hma a lakna kalpui dan ngaihthlak niin hemi chungchangah hian nasa leh zual zawk a hmalakna kalpui nise tih a ni a, Hemi chungchanga inzirtirna thuziak tar leh semchhuahna kawng a hmalak nise tih a ni.
- ‘Mizo hmeichhiaten hnam dang an neih zel loh nan Central YMA-in inzirtirna nasa leh zual zawkin kalpui rawh se’ tih chu hemi chungchanga Central YMA-in hmalakna a kalpui dan ngaihthlak niin hemi kawngah hian hmalakna kalpui chhunzawm zel ni rawh se tih a ni.
- ‘Mizo infiamnate chawisan a nih theih nan Central YMA-in hma la rawh se’ tih chu hmala tura ruatten hmalakna chak taka kalpui zel ni rawh se tih a ni.
- ‘Zohnanthlak chi peng hrang hrang Mizoram-a chengte zingah chibil hmalakna a awm tawh loh nan Central YMA in hma la rawn se’ tih chu hemi kawnga Central YMA in hmalakna a kalpui mek dan ngaihthlak niin hemi chungchanga hmalakna hi kalpui zel ni rawh se tih a ni.
SAWRKAR KHAWIH :
- ‘Inner Line Permit (ILP) hi tun aia khauh leh awmze nei zawka kalpui a nih theih nan YMA in sawrkarah thlen rawh se’ tih chu hemi chungchanga Central YMA hmalakna ngaihthlak niin chak takin hmalak chhunzawm zel ni rawh se tih a ni.
- ‘Tui hna humhalh dan siam ni rawh se’ tih chungchanga Central YMA hmalak dan hi a tul ang a bawhzui zel nise tih a ni.
- ‘Mizoram chhunga inkalpawhna kawngpui hrang hrang a chhiat avanga mipuiten harsatna kan tawk nasa lutuk thin hi a lo ziaawm theih nan Mizoram sawrkar in tun aia chak zawkin hm la rawh se’ tih chu hemi chungchanga Central YMA hmalakna a niin chak leh zual zawkin hmalakna chhunzawm zel ni rawh se tih a ni.
