News

Kolasib Sub. Hqrs. YMA chuan an hnuaia branch hrang hrangah lehkhathawnin, an inkalpawhna kawngpui siamah duh khawp lohna avanga tharum hmang zawnga hmalak tumna a awm nia an hriat thu an tarlang a, branch YMA leh member-te inhnamhnawih ve lo turin an ngen.

Kolasib Sub. Hqrs. YMA lehkhathawn :

Sub-Hqrs YMA, Kolasib hmingin chibai kan buk che a, ram leh khawtlang tana i thawhnaah Pathian malsawmna dawng zel turin duhsakna kan hlan a che.

Sub-Hqrs YMA, Kolasib hian kan District leh kan ram leh hnam tan kawng hrang hrangin hma alo la tawh thin a. Hun engemaw chen atanga kan inkalpawhna kawngpui avanga harsatna kan tawh chungchangah pawh, fimkhur leh uluk taka ngaihtuahna seng chunga hmala in, theih tawp kan chhuah mek zel a ni.

Kan inkalpawhna kawngpui tha zawk leh hnathawh chak zawka a kal theihna tura pawl hrang hrangte leh Sawrkar hmalakna pawh Sub-Hqrs YMA chuan hria in a thlawp tlat a, kawngpui siam hi nikhat chawlh pawh a uiawm tawh avangin, Fur hma ngeia contractor ten kawngpui an siam zawh theih nan puih an ngaihnaah te puiin, a nawr reng bawk.

Mipuite manganna hria a kan inkalpawhna kawng siam duh khawp lohna avanga tharum hmang zawnga hmalak tumna a awm niin Sub-Hqrs YMA, Kolasib chuan chuan a hria a, pawi a tiin, hetianga tharum thawhna hian hnathawh a ti thuanawp thei tih hria-in, Sub-Hqrs YMA, Kolasib huam chhunga YMA Branch tinte leh memberte inhnamhnawih lo turin kan inngen tak meuh meuh a ni. Tin, hetianga hmalak tumna ang chi puanzar kawngah pawh YMA hminga hmalak loh nise tiin kan inngen nghal bawk e.

Kawngpui tha leh hnathawh chak zawka a kal theihna turin Sub-Hqrs YMA hnuaiah Road Monitoring Committee din a ni. Anni leh Central YMA Road Monitoring Team-ten theih tawpin hma an la mek zel a, hnathawktute hi an vil zui reng bawk a ni.