Young Indians Parliament buatsaih

Young Indians Mizoram buatsaih Young Indians Parliament, 2026 chu vawiin (4.3.2026) hian Assembly Annexe Conference Hall-ah neih a ni a, Assembly Speaker Lalbiakzama’n a hawng.

Assembly Speaker chuan

Assembly Speaker chuan social media hmang hian thu belh chian dawl lo, tlanchhe chunga midang beihna a la tam hle tih sawiin, “Ngaihtuah chian chuan a dawihzepthlakin, sim a hun ta hle mai. Politics-ah hian insawi chhe tawn leh thu awmze nei loa inbei chiam chiam loin a kal theih a, ‘issue’ te khelin debate awmze neite pawh a neih theih. Chu’ng atan chuan ‘policy’ te sawihoin ‘ideology’ kan neihte phawrh tlang ila, zawi zawiin kan ram hi kan siam tha thei ang tih ka ring tlat,” a ti.

Vawi leh khata sang taka invawrh a harsa tih chu kan hre theuh tih sawiin Lalbiakzama chuan, “Chutih rual chuan tun aia tha hi chuan kan ti thei chiang a ni. Hetiang taka politics hi kan ngaihven a nih chuan thalai fel zawk, fing zawkte a cho chhuak ngei ang tih a rinawm,” tiin, tuna politics huanga lut kum naupang zawkte hian kum upa zawkte aiin ram hruaina kawngah an hnufum loh zawk zia te, kum naupang tein ram an hruai ve thei a ni tih hi lantir thei se la chuan, thalai dangte politics huang chhungah luh duhna a neihtir tur thu a sawi.

YI Parliament City Round hi zirlaite’n leadership \ha, mawhphurhna leh governance chungchanga hriatna an neih theihna tur platform pawimawh tak a ni a, city round a\ang hian award chi hrang hrang 15 buatsaih a ni ang. A ti \ha zualte chu regional level competition-ah tel turin thlanchhuah an ni dawn a, regional level-a ti\ha zualin state aiawhin New Delhi-ah national level intihsiakna an hmachhawn leh dawn a ni.

Young Indians Parliament hi Yi National flagship hnuaia hmalakna pawimawh tak zinga pakhat a ni. He programme hian India ram \halaite zingah leadership, constitutional values leh active citizenship a siamlen a tum. Mizoram-a city round neih hian \halaite public discourse leh nation-building lama\hahnemngaihna a pek beisei a ni.

He intihsiak chhung hian zirlaite chu sorkar leh opposition anga \hen an ni a, rorelna in sanga a tih thin angin an constituency tana thil pawimawh chi hrang hrang sawihona te, zawh leh chhanna hun bakah, bill-te an sawiho