ZADS Zone III leh IX in heroin an man

Nizan (February 25, 2026) khan Central YMA hnuaia ZADS Zone III leh Zone IX te chu ruihhlo doin an thawk ho. He hmalaknaah hian ZADS Zone III te chuan Vanlalchhana, Hunthar Veng a cheng nia insawi kut atangin Heroin (No. 4) tictac 3 an man. Vanlalchhana hi a awmna zone bialtu ZADS Zone IX kutah hlan nghal niin, Zone IX-te hian an area pawn thlenga bawhzui a ngaih takin tiin CADS leh Excise Narco-te an pun lehchhawng a, hemi hnu hian ruihhlo eng emaw zat hmuhchhuah belh a ni.

Heng ruihhlo an hmuhchhuah belhte hi bawlhhlawh bawm chhunga heroin hawng 4 an thuhruk bakah, cooker chhungah TicTac 16 leh chhuar chhunga ipte-ah TicTac 2 te an man leh. He thil thlengah hian Vanlalchhana bakah a nupui Lalngaihpuii, Hunthar Veng a cheng leh ruihhlo hralhna sum lo dawngtu Lalnunmawii, Hunthar Veng, Diltlang khaw mi ni a insawite pawh man tel an ni.

ZADS Zone III hnuaiah hian Bawngkawn, Bawngkawn South, Bawngkawn West, Chaltlang, Chaltlang Lily Veng, Chanmari, Chanmari West, Dawrpui, Edenthar, Laipuitlang, Saron Veng leh Zarkawt te an tel a.

ZADS Zone IX hnuaiah hian Ainawn veng, Chawlhhmun, Chawnpui, Hunthar, Kanan, Luangmual, Phunchawng, Rangvamual, Vaivakawn, Zonuam leh Zotlang te an tel a ni.