Dec 04, 2025
Thursday
Animal Husbandry & Veterinary (AH & Vety) Deparment, Lunglei District chuan kum 2024 chhunga vawk pul hri, African Swine Fever (ASF) avanga vawk thite hnenah zangnadawmna cheng nuai 47.52 (₹47,52,000/-) chu ASF tuartu chhungkaw 599 te hnenah an pe chhuak.
Lunglei District chhunga vawk thi 1,188 tana pek chhuah niin, thawh (instalment) 3-a pek chhuah a ni a; a hnuhnung ber hi a dawngtu turte bank account-ah December 2, 2025 khan thun fel a ni.
Vawk hri hlauhawm bik African Swine Fever hi Mizoram State Disaster Management Authority chuan kum 2024 chhung atan State Specific Disaster-a a puan avangin kum 2024 chhunga ASF avanga vawk thite hi State Disaster Response Fund (SDRF) aṭangin chhawmdawlna pek theih an ni.
Chhawmdawlna hnuaiah hian vawk thi 1 tan ₹4,000/- (cheng sang li) zel pek theih niin, chhungkaw pakhatin vawk thi 6 thlengin chhawmdawlna an dawng thei a ni.
