EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn.
November 10-12, 2026 chhung khan second round intihsiak neih a ni a, mi 55 an inel a, November 13, 2026 zan khan second round paltlang te hming puan chhuah a ni. Third round-ah hian mi 27 te an intihsiak leh dawn a, round 3-na zan hmasa zawk chu zanin dar 8-ah neih leh a ni ang a, mi 14 inlan tura ruahman a ni a, a zan hnihna chu Nilaini zanah neih a ni leh anga, mi 13 an in lan ve thung ang, November ni 19,2026 zanah top 10 a tling te hming puan chhuah a ni ang.
Third round-ah hian Mizo hla, a tluanin sak phal a ni a, musical instruments – acoustic guitar, electric bass, cajon leh keyboard te chhawp chhuah a ni dawn. Musical instrument hi mahni duh zat a hman theih dawn bawk a; third round atang hian hla sak that/sak nawn phal a ni tawh dawn lo.