Apr 29, 2026
Wednesday
Vawiin (29.4.2026) a MBSE-in HSSLC, 2026 a tih chhuahah Vanlaltleipuia s/o K Lalhmunsangi, Lunglei Salem Veng chu commerce stream-ah pakhatna a ni.
St. Pauls HSS zirlai Vanlaltleipuia hian full mark 500 ah mark 463 hmuin, topper a ni. Vanlaltleipuia hian Baptist HSS, Serkawn atangin HSLC distinction-ah pass in, HSSLC chu St. Pauls HSS-ah a kal chhunzawm a ni.
A rualpui dangte ang bawkin tunhma chuan mobile games-ah PUBG a khelve thin a, class X a nih kum atangin mobile games leh social media lam a chawlhsan a ni. Hei hian lehkha zirna hun tam zawk neih tirin, HSLC-ah distinction-ah a pass bakah, HSSLC commerce topper a ni thei ta a ni.
Vanlaltleipuia hian social media-in a tihbuai loh avangin tha zawkin exam a hmachhawn thei niin a inhria. Commerce topper hi kum 2018 khan a pain a thih san.
