ZPM an in set hlum &#8211; Ruatkima

Nimin (October 31, 2025) Mizo National Front (MNF), 6-Serlui South Block Party Workers’ Meet chu Buhchangphai Community Hall-a neih a ni a, MNF Treasurer Lalruatkima’n a hmanpui

Lalruatkima chuan ZPM Sorkarin ram an enkawl danah ram mipui lung a awi tawh lo nia sawiim, ‘Chhiah an tipung nasa a, kawng siamna tur thlenga chhiah (cess) kan pe chung pawhin kan kawngpui a ṭhat phah chuang lo. Sorkarin ram mipuite leh kan ṭhalaite beisei an phak loh avangin enchhin an tum tawh lo. ZPM thli tleh tur a awm tawh lo a ni. ZPM hi ICU a awm mek ang an ni a, an chatthla lo chauh tawh a ni. Kum hnih lek an sorkar chhungin ram mipui kan beidawng em em. Kum 2028 MLA Inthlanpuiah ZPM tan beisei tur a awm tawh lo,” a ti .

MNF Treasurer chuan, “Congress party ho chu ‘tu pawl nge i nih’ tih zawh hmasak zel an ngai. Delhi lama an thlunzawm ber leh an drip khaina pawh tho chhuak tur an awm rih lova, Mizoramah pawh ‘Bhavan’ khuang a ring thei meuh lova, beisei tur an awm rih lo. Dampa Bial by-election lo awm turah pawh party dangin MNF min um vek a, rorel lai ZPM an in set hlum bawk si,’ tiim Dampa Bialah leh Mizoram Inthlanpui lo awm leh turah MNF bak tling tur leh sorkar tur an awm loh thu a sawi.

MNF thuchhuah tarlan danin Lalruatkima hian Serlui South Block huamchhunga khaw 12 aṭangin ZPM – 151, INC – 46, BJP – 2, HPC – 5 leh Neutral 50; chhungkaw 97, an vaiin voters 254 te chu MNF ah a lawmlut.
Lawmluh zingah hian Rualremthanga, New Builum ZPM VC chu telin, Builum khuaah hian MNF VC thar piang dawn a ni.