ZPM beiseitute an beidawng tawh &#8211; Lal Thanzara

MPCC chuan vawiin (20.3.2026) chhun khan an pisaah chhung inkhawm an hmang a, thusawitu MPCC President Lal Thanzara chuan ZPM beisei tute an beidawng tawh niin a sawi.

Lal Thanzara chuan ZPM chu kum hnih kan enchhin tawh thu sawiin, “Beisei taka thlir tute an beidawng tawh hle. Sawrkar kal ta te aia felfai leh serafim anga insawi an ni. Tun sawrkar in an tih hmasak ber chu Mizo mipui zawng zawng nghawng buhfai man an ti to. Buhfai supply turin tender chhang hniam ber pawh ni lo LZ Juice an thlang An buhfai supply dante kan hotuten enzui zelin thil fel lo tam tak a awm tih hmuhchhuah a ni.

Truck ke 16 neiin buhfai bag 700 lai te an phurh theih laiin LZ Juice te hian buhfai bag 16 chauhte an phurh tir nia sawiin MPCC President chuan, “Tin, challan-a a lan danin buhfai phurh nan car te pawh an hmang a ni awm a, an car erawh a chak tha hle a niang, buhfai bag 700 zet an lo phurh tir niin a lang. Mak leh deuh chu JCB pawhin buhfai bag 720 phur angin chhinchhiah a ni,” tiin mipui nghawng buhfai kaihhnawihah hian corruption awm thei thilte a nih avangin chumi vengtu tura ZPM-in an neih Val Upa Council te pawh hrilh hriat an that a rin thu a sawi.

MPCC tarlan danin, MPCC President hian an party-ah College Veng vek atangin ZPM votes 11, MNF votes 31 leh neutral vote 1, an vaiin mi 46 an party-ah a lawmlut. Lawmluh zingah ZPM Unit hruaitu pawimawh leh MNF Unit hruaitute pawh an tel a ni.