Jun 03, 2026
Wednesday
ZPM chuan vawiin (3.6.2026) chawhma dar 11 khan Rajya Sabha MP atana an party candidate tur an puang.
ZPM Vice President C Lalnunnema chuan an party office-ah Rajya Sabha MP atana an party candidate tur atan K Laltluangkima, Mission Veng chu ruat a nih thu a puang. K Laltluangkima hi ZPM spokesperson a ni.
June 18, 2026 hian Rajya Sabha MP inthlan hi neih a ni dawn a, ruling party candidate hi tlingsa tura ngaih a nih avangin Mizoram Rajya Sabha MP tur hriat a ni ta a tih theih.
Political party dangin candidate an nei dawn em hriat a la ni lo. Rajya Sabha MP hi MLA chauhin an thlang a, Mizoramah ZPM-in MLA 27, MNF-in 10, BJP-in 2 leh INC-in 1 an nei.
