News

ZPM Media Chairman B Lalchhanzova, Minister of State chuan thuchhuah siamin, February 4, 2026 (Nilaini) khan Council of Minister (CoM) meeting chu chawhma dar 11:00 aṭangin neih a nih thu tarlangin, “CoM meeting zawh veleh ṭhufual zuiin Indian Air Force-ten Lengpui leh Sihphir ram an lak tur chungchang ngun takin a ngaihtuah a, sawiho zui nghal niin mipui ten thudik an hriat theih nan hemi chhuichiang tura ngenna chu Central Bureau of Investigation (CBI) ah ZPM Media Committee Chairman, Pu B. Lalchhanzova, hmingin February 6 (Zirtawpni) 2026 hian thehluh ni se tiin rel a ni,” a ti.

Sawrkar hotute chuan, Zoram mipuiten hemi chungchanga thu chiang tak an hriat thuai ṭha an tih thu tarlangin B Lalchhanzova chuan, “Chutih rualin, MPCC-ten VUC chhui chian an lo ngiat ve ngawt mai chu thil kawngkal lo tak niin a lang. Tin, a kawngkal dika CBI hnêna ‘direct’-a chhui tura ngenna thehluh mai tur a nih laiin; a kual thei ang bera MNF-ten Mizoram Chief Secretary – Chief Vigilance Officer (CVO) chelh teltu hnêna ngenna thehluh an tum pawh hi lo chawlhsan mai tur leh; chak zâwka ‘investigation’ kalpui a nih theih nâna dik thlap (proper channel)-a CBI hnêna ‘direct’-a FIR thehluh hi lo ngaichâng mai turin kan ngen e,” tiin a tarlang chhunzawm.