News

ZPM chuan vawiin (9.3.2026) hian Cyber Crime Police Station-ah FIR an thehlut a, an party aiawhin Secretary General PB Lalsawmliana’n a thehlut. ZPM hian Cyber Crime Police-te hi Zorama Hmar chhui chhuak turin an ngen.

An FIR thehluh :

Ka Pu,

Ni 8th March, 2026 chawhnu lam khan ‘Zorama Hmar” facebook profile name inti chuan Hon’ble Chief Minister Pu Lalduhoma, Hon’ble Minister Pu Vanlalhlana, Hon’ble Minister Pu B. Lalchhanzoa, Hon’ble Minister Pu Lalnghinglova Hmar leh Nl. Baryl Vanneihsangi, MLA te chu diklo taka tihmualpho tumin Facebook Group (i.e. Zoram Politics leh News) ah a post a. He a thil post hi Party chuan tha lo a ti hle a ni. Hetiang a mahni nihna thup chunga dik lo taka kan ramhruaitute tihhmingchhiat theihna tura Post a siam hi man chhuak a, dan anga hremna pek a nih ngei theihna tura chhuichhuak turin kan ngen a che.