ZPM-in street campaign buatsaih

ZPM chuan tukin (17.8.2026) dar 7 khan 20.8.2026-a Bungkawn Local Council by-election neih tur atan Bungkawn Venglaiah ‘street campaign’ an buatsaih a, ZPM Medica Chairman B Lalchhanzova, Minister of State-in thu a sawi.

Revnue Minister B Lalchhanzova chuan Revenue Department-a thil danglam sawiin, “Ram teh kawngah ‘first come, first serve’ kan kalpui mêk. Ram teh tura dilna thehlût hmasa apiang a indawta tehin kan kalpui a, thiltithei zawkten an hmakhalh ang kha kan remti tawh lo. Hei hi kumin May thla aṭanga kalpui a ni. Mahni zâwn ṭheuhah thil ṭha kan tih chuan kan ram hi a ṭha mai dawn a. Kei ngei pawh hi ka MLA hma ai khan ram hi ka vei lehzual. Ram hi vei zual zel ang u,” a ti.

Bungkawn Local Council pasarih awmnaah paruk chu ZPM an nih thu sawiin, ZPM Media Chairman chuan, “He ZPM LC sorkar nghet tak tha tichak zual turin Bungkawn mipuite ZPM candidate vote turin ka dil che u. Ram leh khawtlang hruaitute hi mipui rawngbawl tur diktak kan nihna angin, biak nuam, message leh call-te theih chin china chhâng thei kan ni tur a ni,” tiin mipui rawngbawl turin ZPM-te hniam ngam turin a fuih.

Bungkawn Venga Local Council Chairman nVL Zamlova chu AMC-a corporator a nih tâk avangin a hmun awl hnawhkhat turin by-election hi neih a ngai ta a ni.