ZPM leh BJP thawkho dawn

Vawiin (23.6.2026) hian BJP leh ZPM ten Durjya Dhan Chakma, Ex CEM & District BJP President, CADC kaihhruaina hnuaiah Chakma Democratic Alliance Legislature Party an din. A hnuaia tarlan ang hian hruaitu tur an thlang nghal.

Leader – Nirupam Chakma (BJP)

Deputy Leader – Kali Kumar Tongchangya (ZPM)

Treasurer – Molin Kumar Chakma (BJP)

Secretary – Supreme Raj Chakma (ZPM)

Delson Notlia, MDC leh BJP Mizoram State General Secretary leh Vanlalsiama Pachuau, CADC enkawltu ZPM General Secretary-te chu an party hotute’n observer atan an tir a ni.

Legislature Party thar din chuan an Leader Nirupam Chakma, Ex-Minister leh Kamalanagar Constituency MDC chu executive committee din tura dilna theh lut turin an ruat. Chuvangin District Council leh Minority Affairs Department Secretary, Mizoram Sorkar kaltlangin Mizoram Governor hnenah lehkha a thehlut ta a ni.

CADC dinhmuna tun dinhmunah chuan BJP hian MDC 10 an nei a, ZPM in MDC 9 an nei. Chuvangin Chakma Democratic Alliance hian MDC 20 awm zingah 19 an nei tihna a ni. MNF-in MDC pakhat an nei.