ZPM Thalaiin street campaign an buatsaih

ZPM Thalai chuan nizan (24.10.2025) khan Bazar kawn, Reiekah street campaign an buatsaih.

He huna thusawitu Minister of State Lalnghinglova Hmar chuan ZPM Sawrkar chuan tourism programme-te khawtlang mipuite hlawkna tur ngaihtuah chunga kalpui an tum thu sawiin, ‘Tourism Events Calendar siam a nih tawh. Anthurium Festival pawh kum 2026 atangin October thla tirah hman a nih ziah dawn. Reiek hi Anthurium Festival huaihawtna tur hmun nghet a thlan a n,’ a ti.

Dampa Bial MLA by-election atana ZPM candidate Vanlalsailova chu a tlangval chhuah phat atanga ram veitu niin, Zoram tang fan fan tih hla phuaha Zoram tana au chhuaktu a nih thu sawiin Lalnghinglova Hmar chuan, ram rorelnaah hmun a chan ve ngei theih nan Dampa Bial mipuite chu vote theuh turin a ngen.

ZPM Thalai President, MLA Jeje Lalepkhlua pawhin thu sawiin, ‘Politics khel thiam, rei tak experience lo nei tawhte zingah sum siam thiam tak tak an awm a, politics a mitharte aiin Zoram tan an hnawk zawk. ZPM chuan MLA atan poltics a experience la ngahlote nei mah se, ZPM MLA-te zingah corruption vanga hming hliauna nei an awm lo. Ram hi kum hnih khat chhung leka duhthusama tha a siam theih a nih loh avangin, mipuite pawhin dawhtheihna kan neih a pawimawh,’ a ti.