Aug 07, 2026
Friday
MPCC chuan vawiin (7.8.2026) hian an office-ah political session an hmang a, thusawitu MPCC Vice President Zodintluanga, Ex. Minister chuan ZPM thangah an awh dawn loh thu a sawi.
Zodintluanga chuan tuna kan sawrkar hrawn mek hi an fin thu sawiin, “Sawrkar kal tawhte chhe thei ang berin nasa takin dawtin min bei. Sawrkarna an siam fel vel leh sawrkar lai beih chu ramhlui zia an han ti a, an policy sawi rawh se an ti leh. Tam tak chu chumi thangah chuan an awka, sawrkar lai an beih anga kan beih ve an hlauh vang a ni. Vawiin niah hian ZPM-te thangah kan awk dawn loa, Congress hian nasa takin kan bei dawn. Opposition role kan play dawn a ni tih ka sawi duh a ni” a ti.
Mizo pipute khan mi dawihzep, thian chhan ngam lote chu pawnfen feng tlak an tih thin thu sawiin MPCC VP chuan, “Kan Chief Minister-in kan inhumhimna ILP central-in min hlihsak an tum pawha kan dodal ang ti loa, an duh chuan min hlihsak thei a tih duh lohna lantir nan puanfen kan thalaiten dawihzep tiin an fentir. Kha thil an dodal chungchangah khan MHIP-te khan an tih loh tur an rawn ti,” tiin political party pakhat tlawn a, khatiang kha ti tawh lo tura a ngen duhthu a sawi.
MPCC Vice President chuan sawi chhunzawmin, “Lal Thanhawla ka vel dawn, Bhavan ka lilam dawn, Lal Thanhawla jail-ah chaw an chhum kep titu kha engah nge kan dim anga, kan beih loh bik ang. Pu Zoramthanga kha ‘not normal’ tihten zu han sawi duh a mawle. Hnamdangte chuan Karma tiin an sawi thin a, ama chungah a thleng mek a ni. Mipui hmaah an tih theih loh tur an tiam a, kan sawrkar kal tawh te kha engmah ti loah an chhuah a, mipui in sawrkarna an pe ta a ni. Amaherawhchu, sawrkar tan thil tih a harsat zia a lo lang zel. Tunge mirethei ngaihsaktu, tunge mi harsate eizawnna siamsaktu chu mipuite hian an hre thar,” tiin mipuite’n Congress sawrkar an ngai leh tawh niin a sawi.
