Mar 26, 2026
Thursday
FIR THEHLUT : ZPM Zonu Hqrs. chuan vawiin (26.3 2026) hian Aizawl South-III Bialtu MLA Baryl Vanneihsangi chungchang social media-a mawi lo taka post tu Rfa Rfralte inti lakah Cyber Crime Police Station-ah FIR an thehlut.
Rfa Rfralte inti hian Facebook Group – ‘Zoram Politics leh News Group’ -ah Baryl Vanneihsangi thlalak pahnih dahin a caption-ah “Hman deuh khan milian hoin duh duh huna koh theih nu kha ani ve tlat, tunah pawh an la ko reng thinin ka ring’ tih a ziak a ni, an ti.
ZPM Zonu chuan Baryl Vanneihsangi chungchang thu a ziah dan hi hmeichhe zahawmna tihbawrhbanna lam hawi a nih avang leh dawt muhluma inbeihna a nih avangin a thehdarhtu hian a phu tawk hremna a hmuh ngeih theih nan Cyber Crime Police Station-ah hian FIR hi an thehlut a ni.
