Apr 16, 2026
Thursday
Nimin (15.4.2026) khan Phaisen Police Checkgate, Kolasib District-a duty-te chuan zu (a senchi) leh beer thahnem tak an man.
Police tarlan danin, Saiphai Police Checkgate-a duty-te Subaranta Chakma (419 s/o Judha Moni Chakma, Chawngte khalh Bolero MZ/01 AC – 4086 chu endik a, zu leh beer hi hmu chhuakin an man a ni.
A senchi an mante chu Royal Stag, Iconic White, Royal Green, Magic Moments leh KD 50 niin, a vaiin litres 279 a ni. Beer an mante chu Kingfisher, Stok, Hayward leh Godfather niin, a vaiin litres 228 a ni.
A man zat bottle leh can a inziak atanga chhutin zu leh beer hi cheng nuai 1.54 man a ni. Motor khalhtu hi Vairengte Police Station-ah thubuai an siam sak.
(Zu um khat hi litre khat a tling loa, ml 750 a ni)
