Mar 18, 2026
Wednesday
Nimin (17.03.2026) chawhma dar 11:10 vel khan Lunglei Police-te chuan Lunglei Ramthar YMA atanga information an dawn bawhzuiin zu ni ngeia hriat thahnem tak an man.
YMA-te hian mi pahnih Lalchhanchhuaha(28) s/o R.Lalhmangaiha Chamdurtlang-I, Lawngtlai Dist. a cheng ni a inchhal leh Lalchhuanmawia (29) s/o Vanronghaka Ramthar, Lunglei a cheng ni a inchhalte chuan zu ni ngeia hriat an kawl ni a an rinhlelh avanga Ramthar, Lungleiah an lo tihdin thu Lunglei Police hian thu an dawng a ni.
Police-te hian thuhretu tur pahnih ko in, an hmuh lai hian rakzu ni ngeia hriat nylon bag 4 chhunga dah fun 220 (73 litres approx) Rs 36,500/- man hu chu an hmu chhuak. Heng zu neitu ni ngeia hriatte hi man nghal niin, Lunglei PS-ah thubuai ziah luh nghal a ni.
