Nov 20, 2025
Thursday
Excise & Narcotics Department (E&ND) chuan November 19, 2025 (Nilaini) zan dar 9:00 khan Falkland East Venga Kudam pakhat atangin zu um puitling (750 ml) hrang hrang thahnem tak an man.
E&ND-in zu an mante hi – Royal Stag, Signature, Blenders Pride , Iconiq White, Royal Stag Barrel, Royal Green Whisky, Afterdark, Malt in Black, Old Monk leh Kingfisher Beer (500 each) can 84 a ni. A vaiin um 2,940 (case 245) leh beer case 3 a ni.
He kudam luahtu leh zu neitu Ruthi Lalrammawii (31) d/o Lalramlawma, Phunchawng mel-6 nia inchhal pawh man nghal a ni a, MLP Act 2019 tlawhchhanin thubuai siamsak a ni.
