'Dawt sawi suh' tlangzarh dawn
admin 22-Nov-2024 03:57 PMZawnin (22.11.2024) hian Youtube lama mi tam takin an lawm em em leh viewrs ngah thin tak KVS channel-te film siam 'Dawt sawi suh' tih chu Vanapa Hall-ah tlangzarh a ni dawn a, dar 8 atangin Lersia Play-ah lei theih tura chhawp chhuah nghal a ni ang.
He film-a chang tute hi mi tam tak chuan kan hre hlawm ngeiin a rinawm - Lalramluaha (Tleua), Zonunmawii (Hauchhumi), Hmingthanmawii (Sialchangi) leh Lost of the Ring a misual nu Lalrohlui (Chawngi) te an ni. Anni bakah F Zomuankima, David Lalrintluanga, R Lalhmunsiama leh Lalbiakhluna Varte ten role pawimawh tak an chang.
Director leh script writer chu Ramluah (Tleua) niin, director of photography hi Deno Laldampuia a ni a, Lersia Play chu co-producer a ni. KVS chanel hian film puitling pathum - Hmanlai film dangdai, Thuruk leh Tihpalh tihte an lo siam tawh a ni.
'Dawt sawi suh' hi police pakhatin ruihhlo tawlhru a chhuina niin, a film hi hlimawm tak a nih rualin, a lungngaihthlak lamte pawh a tel.
