Rsa'n lumehna dawr a hawng dawn

Youth Icon star J Lalrosanga, Tuidam chuan zai lama Mizo mipuite'n kan hriat hmaa a tih thin lu a met leh dawn, Aizawlah lumehna dawr a siam dawn.

J Lalrosanga hian an inbulah lumehna dawr a nei a, zaia sawmtu a neih reng avangin amah chuan a met hman tawh lo. Midang chhawrin lumehna dawr hi an la hawng reng a, kum 60 chin chunglam chu a thlawnin an meh sak thin.

A lar hnuah pawh a eizawnna hmasa lumeh ban san ngawt a tum loa, Chaltlang Bethel Veng, MBSE Office bul maiah lu mehna dawr hi hawn a tum a, a inbuatsaih mek.

J Lalrosanga chuan a lar lai ngeia lumehna dawr hawn hman a tum thu sawiin, 'Nakinah, tun ang reng hi ka ni lo mai thei. Nakin zel pawha min lo chawm ve thei tu tur hi ngaituah lawk ve a ngai a ni,' a ti.

A fan-te'n fuhchiangtea an tih, J Lalrosanga hian zaia sawmtu a neih reng avangin Tuidam lama awm reng a rem tawh loa, Chaltlangah mi in luah a tum a, a luahlut thei tep.