Pu Nunga Colony a hlawhtling
admin 04-Dec-2024 10:35 AM
In House Production kut chhuak 'Pu Nunga Colony' a hlawhtling hle a, Lersia Play-a film zinga hralh tha ber record a siam thar.
In House Production hian 'Pu Nunga Colony' atang hian cheng nuai 64.3 zet an la lut tawh a, an la lakluh belh zel pawh a rinawm. Pu Nunga Colony hi October 4, 2024 khan tlangzarh a ni a, thla hnih chhung velin cheng nuai 64.3 an lalut hman tihna a ni.
Lersia Play-a film lei tur awm zinga sum lalut hnem ber ni thin chu In House Production kut chhuak thi 'Pa Hausa (ka aim in life)' tih niin, cheng nuai 61.3 an lalut a, hei hi Pu Nunga Colony hian a rawn khum ta a ni.
Pu Nunga Colony-ah hian director chu Drew Pachuau niin, scriptwriter Samuel Pachuau a ni. He film-ah hian Mizo filmstar lar Papuia Pachuau, Sangsangi, Rosangpuii (Rspi), Tommy leh Francis Malsawmate bakah Youtube atanga mi hriah hlawh Fela Ralte (Rala Kone) an inlan.
