Naupang pawisa chhuhsaktu jail-ah

Ni 3.8.2024 chawhma lama chem nen naupang vaua pawisa chhuhsaktu Lalremruata (20) s/o Kapruma, Champhai Electric Veng, tuna Vaivakawn, Aizawla awm mek nia inchhal chu jail-ah dah a ni tawh.

Lalremruata hi Aizawl Police Station-ah thubuai siam sak a ni a, police-te'n an duh angte an zawhfiah zawh tawh avangin jail-ah dah luh a  ni tawh. Police-te chu a tul angte chhuizuiin, an chhui zawhah an chhuina report (chargesheet) court-ah an thehlut ang.

Tarlan tawh angin,Dawrpui Vengah naupang kum 9 mi dawra thil lei haw lam chu Lalremruata hian chem nena lo vauin, a pawisa ken lai a chhuhsak. CCTV-in naupang pawisa chhuhsaktu tlan lai a lo la fuh a, hei hi Facebook-ah thehdarh a ni.

Chhinga Venga pa pakhat fapa kum 15 mi chuan Facebook-a naupang pawisa chhuhsaktu thlalak hi a lo hmu fuh a, chawhnu lama an dawr bul vela a kal chu hmuin a pa a hrilh hnuah an pafa hian an man a ni. An man hnuah police-te hriattirin, police-in an la.