Ruihhlo that lohzia zirtir

Tlawmngai pawl Foundation For Drug-Free Mizoram hmalaknain vawiin (11.8.2024) chawhnu khan BCM Gilead, Ramrikawna Kristian Naupang Pawl, Senior Department leh Kristian Thalai Pawlte zingah ruihhlo that loh zia inzirtirna hun buatsaih a ni. 

Resource person Dr. Henry Zodinliana Pachuau chuan tleirawl hunlai pawimawhna sawiin; an nuna chona thleng thin chu hmachhawn thiam a, nun hlawhtling nei turin ruihhlo ti lo turin a fuih. Tleirawl mi 35 te ruihhlo laka fihlim turin an intiam. 

Foundation For Drug-Free Mizoram hi kohhran hrang hrang a sunday school leh tleirawl inkhawmah ruihhlo that loh zia zirtirna pe turin an fehchhuak thin a,sawm theih reng an ni.