Savawm zawn chawlhsan rih

Ni 1.4.2024 zinga Aizawl Zoological Park-a an dahna hmun atanga chhuak zawn hna Forest Department-in an chawlhsan rih a, a la dam erawh rin a ni.

Savawm hi a chhuak tih hriat a nih hnuah Forest Department chuan Aizawl Sahuana dahlet leh ngei tumin theihtawp chhuahin an zawng a, a kah mutna leh a manna tur thang (bawm) te nen thawk chhuak thin mah se, an man thei lo a ni. Savawm hniak leh hnuhmate erawh hmu thin a, a thawm hriate pawh an awm thin.

Tunhnaiah erawh ruahtui a tlak tam avang te, ramhnuaiah savawm chaw ei tur tam hunlai a nih avang te, ramhnuai a hnih nasat zual avangte leh mihringin harsatna tawh phah hlauhna avangtein savawm zawn hna hi chawlhsan rih a ni. A hnuhma pawh tunhnaiah chuan an hmu ngai ta meuh loa, a thawm hriatzui tur a awm rih lo.

Savawm hi a chhuak atanga rei vak loah Lungverh leh Sihhmui inkarah hmuh a nih zeuh zeuh bakah a thawm hriat thin a ni a, mihring tihbuai erawh a nei ngai lo.

File Picture