ZPM leh HPC thawkho dawn

Sinlung Hills Council (SHC) inthlan kumin neih turah ZPM leh HPC Party-te an thawkho dawn a, vawiin (1.10.2024) hian thawhdunna thuthlung an ziak. 

ZPM President Lalliansawta sawi danin, kum 2023 MLA General Election hma khan ZPM leh HPC-te chuan thawhhona thuthlung an lo ziak tawh a, 2023 MLA inthlanpuiah khan bial pathum Serlui, Tuivawl leh Chalfilhahte an lo thawkho tawh a ni.

Kha thawhhona thuthlungah khan 2024 Sinlung Hill Council inthlanpuiah thawhho zel ni se an ti a, chu chu bawhzuiin ZPM leh HPC te chu kan inbe chho zel a, duhdan in ang lo leh beisei dan in ang lote siam rem zelin, hetiang a thawkho thei tur hian lungrual takin thutlukna an siam chho thei ta a ni.

Sinlung Hills Council hnuaiah hian Constituency 12 awm in MLA constituency 3 a huam a, kum 2019 khan mipui kutthlakna inthlan hmasa ber chu neih a lo ni tawh a, kha mi tum khan MNF leh HPC inkawp chuan sorkarna an lo siam tawh a ni.

Tun dinhmunah hian ZPM leh HPC-ten sorkarna siam mekin, 2024 inthlan lo awm turah pawh thawkhova sorkarna siam ngei tumin thawhona thuthlung an lo ziak thei ta a ni. 

An thawhhona thuthlung :

1. Bial 12 awmah hian ZPM in bial 8 an chang ang a HPC in bial 4 an chang ang. ZPM chan tur bial te, Bial 2na-Phuaibuang, Bial 3na- Suangpuilawn, Bial 4na – Vanbawng, Bial 5na – Ratu, Bial 6na- New Vervek, Bial 8na – Sakawrdai North, Bial 9na – Zohmun,Bial 11na -Saipum

2. HPC chan tur Bial te :- Bial 1na – Khawlian, Bial 7na Sakawrdai South, Bial 10na – N. Tinghmun leh  Bial 12na – Saiphai

Thawhhona thuthlunga an ziak angin ministry ruangam hi chu ministry siam hunah party pahnihte hian an duang dawn a ni.