Mizopa hming chawiin BSF BOP

Ministry of Home Affairs chuan September 30 2024 aṭang khan Jammu & Kashmir  sector huam chhunga BSF border outpost (BOP) pakhat Narayanpur tih ṭhin chu, Mizo pa, BSF Head Constable Lalfamkima, 148Bn, Pakistan sipa kuta boral ta hriatrengna atan 'BOP LALFAMKIMA' a thlak. 

Lalfamkima (50) h/o F Lalzarliani, Durtlang North hi Ramgarh Sector, Samba district, Jammu-a ramri an vênnaah November 7, 2023 khan Pakistan sipaiin an kâp hlum.

Lalfamkima hi ramri vengin Jammu-a Pakistan ramri hnaihah a duty a, November 7, Thawhlehni zan khan Pakistan sipai nia hriatte'n silaia an ràlsainaah an kâp fuh a, damdawi-in panpui a nih laiin zanlai pelh hnu dar 12:30 (Ningani) velah a hliam tuar loin a thi a ni.