Naupang huaisen chawimawi

Nimin (20.11.2024) khan District Child Protection Office, Khawzawl hmalaknain Children’s Day lawmna kal zelah Khawzawl DC Office-ah  Khawzawl District chhunga naupang huaisente chawimawina hlan an ni.

He hunah chawimawina hlante chu kum 2022-a an inbul lawka tui tlinga an thenawmte nau tla chhan chhuaktu Malsawmzuala (12) s/o Lalchhantluanga, Khawzawl Hermon Veng leh kum 2023-a Tamdila tla, tunge pawh a hriat ngai loh chhan chhuaktu K Lalrinkima (17) s/o K Laldawngliana, Khawzawl Electric Vengte an ni.

Malsawmzuala leh K Lalrinkimate hi chawimawina thuziak leh pawisa hlan an ni.