Lengpui Airport hi kan din - Lal Thanzara
admin 17-Jan-2025 04:54 PMMizoram Pradesh Congress Committee (MPCC) chuan vawiin (17.1.2025) chhun khan an office-ah Friday Political Session an hmang a, MPCC President Lal Thanzara'n thu a sawi.
MPCC President chuan sorkar hian vaiblehchhe sang thum chuang ba nei chung hian mipui laka an tiam sawhthing lei te, banakaih te an puitlin theiin kan ring em tia zawhna siamin, 'Nikum January leh December inkar khan vaibelchhe 3393 kan sorkar hrawn mek hian a puk a ni,' a ti.
Lengpui Airport chungchang sawiin Lal Thanzara chuan, 'Lengpui Airport din tur hian Congress Ministry khan eng angin nge hma a lo lak. Awm loa ta engtin nge awma a lo chan theih tih pawh hi kan ngaihtuah a ngai a ni. Lengpui Airport atan hian cheng vbc. 979 kan hmu a, chumi hmang chuan kan din a ni. Kan din theihn tawh hnuah vawiinah sorkar pumpa ve lemin, MNF-te pawhin harsatna an sawi kan hriat loh harsatna neia insawia IAF hnena hralh an tum hi Mizo mipui tan chuan thil vanduaithlak tak a ni,' tiin en liam mai mai chi nia a hriat loh thu a sawi.
MPCC President chuan an sorkar dawna an puhna zawng zawngte pawh an la hre vek tih sawiin, 'Kum 30 chhungin engmah an ti lo an tih te kha. MIMER te pawh kan din a, cheng vbc. 189 in min rawn tanpuia, college that tak kan din a, chu chu an sorkar phata an manganpui kan enkawl thei lo an ti te kha thil zahthlak leh lungchhiatthlak tak a ni. Tuirial Hydel Project-te pawh hi a bul kan tan a, MNF-in min sawpchhiatsak, an sum duh vangin, mahse a thawk tu company ten an beidawnga an ila chhuak vek tawh. Chumi hnuah dinthar lehin vaibelchhe 1441.52 hmangin khu project khu kan din a ni. Chu mi tura tithei tura Pathian hruaina kan dawng hi a ropui takzet a ni,' tiin thil an tihpuitlintawh pawh an enkawl thei lo a nih chuan Zoram dungtluanah an auchhuahpui a ngaih thu a sawi.
Awm lova ta awma din a, sum awm lo ata sum sawichhuak a, an tih ang hian party dang hian sum sawichhuak ve ta se, an din angin an din ve chhuak ve ang em tih pawh ngaihtuah tham nia sawiin MPCC President chuan, 'Congress Party hian he kumtharah hian sawi tur kan neih hi i sawi ang u, keini party aia sawi tur nei tha hi midang party an awm lo hrim hrim. An thusawi thiam dan lah chu peace bonus state dang zawng zawngin an hmuh loh kan hmu an tia, hun a lokal zel a, Assembly House-ah chuan peace bonus ka tih kha ka phuahchawp mai mai a tak tak a ni lo a ti leh a, khatiang sawi mai mai kha thusawi thiamah kan ngai,' a ti.