Tlangval tuiah a tlahlum

Nimin (16.2.2015) tlai khan Sangau tlangval K Zorammuana  (23) chu Nghalchawm kai, Tlawng Luiah a tlahlum. 

Tuitla ruang buaipuitute zinga tel Sihhmui mi hnen atanga Bengvarna thudawn danin, K Zorammuana hi a thiante nen luiah hian an kal a, a thiante hian a chesual tih an hre lawk lo a ni.

An hmuh tak mai loh avangin an zawng a, luia thianhoa kalve thote'n luiah hian hmuin an la chhuak a, an lak chhuah chuan chan theih a ni tawh lo. 

K Zorammuana hi MA 2nd semester zirlai niin, Lai Hostel, Salem Vengah a awm. A ruang hi Lai Welfare-te'n Sihhmui atanga lain, an hostel panpui a nih hnuah Lai House, Bungkawnah a thlahna hun hman a niin, chumi hnuah Sangau panpui a ni.