A pasalin a that nia hriat vuiliam

Ni (15.2.2025) zan dar 10:30 vela a pssal C Lalsiamliana (36) in a that nia hriat Rebek Chanchinthangi (42), Mualpui, Salem Veng chu nizan (16.2.2025) khan an khua Mualcheng South-ah vuiliam a ni. 

Rebek Chanchinthangi ruang hi Zoram Medical College & Hospital-ah postmortem a nih hnuah Aizawlah a thlahna hun hman niin, chumi hnuah Mualthuam South panpui a ni. Nizan dar 10 vel khan an khua hi thlenpui niin, rei vak lo hnuah a vuina hun an hmang zui. 

Mualcheng South-ah hian Rebeki pa leh a unuate thenkhat an awm a, a nu chu a thi tawh. 

Tarlan tawh angin, C Lalsiamliana hian a nupui hi an tualzawlah sawisain, a sawisa lai hi an fate pawhin an hmu. A hnuah Rebeki ruang hi hmuh a ni. A pasalin an tualzawla a  sawisak lai hian Rebeki hi saruakin a awm niin an tarlang. 

Police atanga thudawn danin, Rebeki ruang hi an in atanga hla vak lo metre 100 vel, ramhnuai deuhah hmuh a ni. A pasal hi an man nghal. 

Rebeki hi a pasalin a sawisak avanga thi ni ngeia hriat a ni a, chhuizui ngaite chhui mek zel a ni. C Lalsiamliana hi truck vel khalh thin nia htiat a ni a, he thuziah lai hian police-in an la kawl.