Cess atangin hmu hnem tawh

Mizoram Sorkarin petrol leh diesel atanga litre khat zela road maintenance cess leh social infrastructure & services cess Rs. 2 ve ve a lak hnuah cheng vbc. 23.59 hmuh a ni tawh.

Taxation website-a tarlan a nih danin, petrol leh diesel atanga road maintenance cess leh social infrastructure & services cess atang hian January 2025 thleng cheng vbc. 11.79 ve ve, a belhkhawmin cheng vbc. 23.59 hmuh a ni tawh a ni.

Cess pahnih atang hian October 2024-ah Rs. 8,24,176 ve ve, November-ah Rs. 2,13,25,156 ve ve, December-ah Rs. 4,66,968 ve ve leh January-ah Rs. 9,53,47,986 ve ve hmuh a ni.

Chief Minister chuan road maintenance cess kawng atan liau liau hman tur a nih thu leh social infrastructure & services cess hi sikul sakna atan, addl. classroom atan, digital education system atan, science laboratory atan, slow learner centre atan, technical college atan, damdawi-in leh PHC tihchangtlunna atan, sub centre dinna atan, hriselna lama thawktu lakna atan, skill development lama thalaite inzirna hmun tihchangtlunna atan, women hostel-a thawktu tur lakna atan leh thildang pawimawhah atan hman tur a nih thu a lo sawi tawh a ni.