Tuithiang Vengah ZPM an sorkar leh zawk

Aizawl East II huamchhunga Tuithiang Veng Local Council-ah MNF leh Congress Party-in an thlawp independent-a tlingte'n sorkarna an siam zawh hnu lawkah namtluk leh nghal niin, ZPM kaihhruau Local Council a ding leh si dawn. 

Tuithiang Veng atanga Bengvarna thudawn danin, bi 12.02.2025-a Local Council inthlannaah khan Tuithiang Vengah hian MNF leh Congress tangrualin an thlawp mi pali chu independent angin an tling.  ZPM Party atangin member pathum (3) thlan tlin an thung.

Independent candidate-a thlan tlin Zohmingliana chuan ZPM Party a zawm tak avangin Tuithiang Veng Local Council-ah ZPM-in sawrkarna an siam dawn a, Zohmingliana hi Local Council chairman atan ruat nghal a ni.

Local Council term hmasa lamah khan MNF ticket-in Zohmingliana hian vote a hmu sang ber a, tun Local Council inthlanah pawh MNF leh Congress tanrualnain, independent candidate ni lehin vote a hmu sang leh ber leh. 

Zohmingliana hi Local Council atana thlantlin a nih hnuah ZPM-ah in pein Local Council chairman a ni zui dawn. Heti hian a vawi khat nan Tuithiang Veng Local Council-ah ZPM-in rorelna fawng an vuan ve dawn ta a ni.