Hnam party a sorkar leh a ngai - RRRa

Vawiin (17.2.2025) chhun khan an office-ah chhung inkhawm an hmang a, thusawitu MNF Thalai President Robert Romawia Royte, MLA  chuan, 'Central Sorkarin Mizoram min zuam ta lutuk hi a pawi a, hnam party a sorkar leh a ngai,' a ti.

Robert Romawia chuan MNF chu hnam party an nih thu sawiin, 'Kan hotute rorelna leh ram rorelnaah pawh a lang fo mai. Free Movement Regime - Burma nena kan inkalpawhna chu kan Chief Minister thar chuan Delhi a zin tumin hei hi Central Sorkar thu a nih thu a zu thlen a ni. Assembly-ah ZPM MLA-in FMR dodalna a putluh chu zaah zain kan thlawp a nih kha. Amaherawhchu, ni 30.12.2024 khan Mizoram Sorkar chuan order tichhuakin Mizo mipuite tan mai ni lo northeast tribal mipuite tana thil tha lo tak FMR hlihna chu kalpui a ni ta a ni,' MNF sorkar se chuan hei hi an tih loh tawp tur a nih thu a sawi. 

Central Sorkarin Mizoram a zuam ta lutuk tih sawiin MNF Thalai President chuan, 'North East State-ah Mizoram min zuam ber, a pawi tak zet a ni. Hnam party kan sorkar leh thuai loh chuan kan ram leh hnam tan a him dawn lo a ni. Nagaland CM pawh Delhi-ah kalin FMR a dodal thu huai takin a puang ngam,' a ti.