Lirtheia chetsualnaah nula a thi

Tukin (15.4.2025) khan lirtheia chetsualna avangin Zemabawk Tawngtai Mual thlang Forest checkgate bulah nula pakhat a thi.

Police atanga Bengvarna thudawn danin, tukin dar 6:30 vel khan bike Gixxer (250) MZ/01 N - 6964, Thangrema (22) s/o Thangchhuana, Ngopa, tuna Zemabawk awm khalh Thingsulthliah atanga Aizawl pana tlan chu anmahni tawk zawnga tlan Ashok Leyland Truck MZ/01 Z - 0166  full load nen an inpelhna lamah a tlu a ni.

Bike hnunga chuang Angely Ramngaihawmi (18) d/o J Lalrosanga, Thingsulthliah lu chu truck ke ding lamin a chilzui a, a ka chhawn loin a thi.

Truck driver leh handyman Silchar, Assam ni ngeia hriatte chu police thlen hmain an tlanbo nghal a, truck neitu, Silchar mi chu a driver a rang lama Bawngkawn PS-a hruai tura tih a ni.