Zirlaite ngaihdan a in ang lo

Govt. Zirtiri Residential Science College leh Govt. Serchhip College zirlaite chu zirtirtu transfer chungchangah an ngaihdan a in ang lo.

Govt. Zirtiri Residential Science College chuan an zirtirtu (botany) Lalthanpuii Hnamte sawn chhuaka zirtirtu dang dah belh an duh loa, zirlaite zirna nghawng thei thil a nih thu sawiin ,'Exam dawn hnaih hun tepter lutuk a thil tih a nih avang leh hun hmasa-ah pawh hetiang thil an college a a lo thlen fo tawh avangin a lungawi thlak loh,' an ti.

Nimin (15.4.2025) khan lungawi lohna lantirna atan an college kawtah thuziakte kengin lungawi lohna an lantir a, awmzia a neih loh chuan lungawi lohna an lantir leh ang.

Hetihlai hian Govt. Serchhip College zirlaitete chuan an college-a thawk Dr. Lalhmangaihzuali Ralte chu sawn a nih anga release order a lak tawh avangin a aiawh tura sawrkarin a pek Lalthanpuii Hnamte chuan a hna a zawm thuai an phut thu an sawi thung a ni.