Mizoramin CS 18 a nei tawh

Mizoramin chief secretary (CS) 18 a nei tawh a, Mizoram CS hmasa ber chu RM Agarwal, IAS niin ni 21.1.1972 aṭanga ni 18.3.1975 thleng Mizoram CS hna hi a chelh.

Mizoramin CS 18 a neih tawh zinga 11 chu Mizo an ni a, pasarih chu hnamdang an ni. Mizoram CS zinga 16 chu IAS an ni a, pahnih chu IPS leh IF&AS an ni. Ni 18.3.1975 atanga ni 3.12.1978 thlenga CS hna chelhtu Surendra Nath chu IPS niin, ni 18.9.1981 thleng CS hna chelhtu AH Scot chu IF&AS a ni thung.

Mizoram CS ni tawh zingah hian hmeichhe pahnih awmin, chungte chu  L Tochhong leh Dr Renu Sharma-te an ni.

Mizo zinga Mizoram CS hna chelh hmasa ber chu Lakhama a ni a, Mizo CS dangte chu (an CS dan in dawtin) - F Rohmingthanga, M Lalmanzuala, F Pahnuna, Lalfakzuala, HV Lalringa, Haukhuma Hauzel, Vanhela Pachuau, L Tochhong, Lalmalsawma leh Lalnunmawia Chuaungote an ni.

Hnamdang Mizoram CS ni tawhte chu (an CS dan in dawtin) - RM Agarwal, Surendra Nath, AJ Kundan, AH Scot, Arvind Ray, Dr Renu Sharma leh Killi Ram Meena-te an ni.