CYMA-in ṬBCC an tlawh

Central YMA hruaitute chuan nimin (11.5.2025) tlai khan an president Lalhmachhuana hoin tunlaia social media lama sawi hlawh tak Ṭawngṭai Bethel Camping Centre (ṬBCC) an tlawh a, a enkawltute nen an inkawm.

Thudawn danin, CYMA hruaitute leh TBCC neitu Zohmingate hian tunlai ṬBCC boruak an sawiho a ni. Zohminga pawhin Sual setana beihna leh a sal tangte chhanchhuahna kawngah Pathian rinchhan a beih zel a ṭul thu leh, tunhnai a campers chhuah zalente pawh thlathlam ni loin; mipui nena thawhhona ṭha zawk neih beiseina kawngah, lungrualna kawng rualrem zawk sial na kawng a nih thute a lo hrilh.

YMA hruaitute pawhin a ṭul dan ang zel a Setana dona kawngah leh a sal tangte chhanchhuahna kawngah thawhho zui zel an duh thu leh felfai zawk leh awmze nei zawk a, kalpui a nih theih nana hma lak pui zel an duh thute an hrilh a, rei loteah kalphung thar ṭha zawk nen ṬBCC chu a kal leh ngei duhsakna an hlan a ni.

A duh apiang leh lamtu nei a piang an chhuah zalen a nih hnuah nimin tlai thleng khan ṬBCC-ah hian mipa 30 leh hmeichhia 20 vel an la awm. Tunhma ngaihtuah chuan ṬBCC-ah hian awm an tlem tawh hle.