Ruihhlo ti lo turin intiam

Tlawmngai pawl Foundation For Drug-Free Mizoram chuan vawiin (10.6.2025) chhun khan Holy Cross School, Thuampuiah ruihhlo that lohzia inzirtirna an buatsaih.

Ruihhlo that lohzia inzirtirnaah hian resource person Johny Lalthafamkima chuan zirlaite chu ruihhlo that lohzia zirtirin, zirlaite chu hmabak duhawm tak nei an nih avangin; an nunkawngah hling leh bumboh te paltlang thin mahse tumruhna nena an nun chu ruihhlo tellova hmang turin a chah. 

He pawl vice president Rohmingliani chuan a kaihruai a, Miss India Universe Vanlalnuntluangi kaihhruaina hnuaiah zirlai 390 ruihhlo ti lo turin an intiam a, a tawngtai sak nghal.

Foundation For Drug-Free Mizoram hmalaknain; Mizoram pumah tleirawl mi 22,740 te ruihhlo laka fihlim tura zirtirna pek niin; an intiam tawh.