Chhungkuaa rukru thin an man

Champhai Police-te chuan tukin (10.6.2025) khan Champhai khawpui chhung veng pakhata chhungkuaa rukru thin an man a, thubuai an siam sak. An pa ber chu an fate tet laiin a thi.

Bengvarna thudawn danin, rukruk avanga an mante hi chhungkaw nu ber, a fanu leh a fapa (kumtling lo) an ni. Thil an ru hnem tawh hle a, hralh atan erawh an ru ngai loa, an tan bakah midang tanpuina atan an ru thin. An thil ruk chhe tawh thirchhiaa hralh theih chi erawh an hralh ve thin.

Tum khat chu kohhran pakhatin guitar an mamawh tih hriain, kohhran dang a mi an ru a, a mamawhtu kohhran hi an pe a ni.

An mamawh dan a zirin, dawr leh biak-in an rawk ber a, office pawh tum khat ab rawk. An mamawh chin bak an ru meuh lo. 

An thil ruk thin thenkhatte chu chawhmeh, buhfai, inverter, drawer, thawmhnaw, make up, in chhung mamawhte a ni. Zing kar mi mut reh laiin an che ber thin.  Thil hi an ru khawm hnem tawh hle.

Tukin khan tum khat an lo rawk tawhte chuan thawm hriain, man an tum bakah police an pun a, a mipa ber hi an man. A hnuah an in bulah a nu leh a fanu an chang a, an man leh a ni. An in atang hian an thil ruk thahnem tak hmuh chhuah niin, thenkhat chu a neituten an la let tawh.