Kawngpui dan tum thulh

Lungtian Joint Coordination Committee (VC Lungtian I, VC Lungtian II, Joint VC Lungtian, YLA Lungtian I Branch, YLA Lungtian II Branch, Joint YLA Lungtian, LWA Lungtian I Branch, LWA Lungtian II Branch) chuan thuchhuah siamin, an duh sorkarin a tih hlawhtlin avangin kawmgpui dan an tum thulh a nih thu an tarlang.

Tarlan tawh angin Lungtian Joint Coordination Committee hian ni 9.6.2025 atang khan zirtirtu a aiawh tur dah loa tranfer a nih avangin an khuaa  Govt. Modern High School zirtirtu leh zirlaite sikul kai tur an dang.

Sikul kai tur dan hian rah tha a chhuah loh chuan ni 12.6.2025 atangin, total bandh huaihawtin, tiamchin awm loa BRTF kawngpui dan chah an tum.

Lungtian Joint Coordination Committee chuan Govt. Modern High School zirtirtu H Lalhmingmawia Govt. Aizawl High School-a transfer a nih chungchangah sorkarin ni 31. 5. 2025 ral hma a transfer order a sut lo a nih pawh in a aiawh regular teacher (mathematics zirtirtu) pe turin an phut. Sorkar chuab H Lalhmingmawia aiawh tur regular teacher an pe.

Lungtian khua hi Lawngtlai District, Sangau khaw bula awm a ni.