5 star hotel siam duh zawng

Mizoram Sawrkara Tourism Department chuan 5 star hotel atana Chaltlang Tourist Lodge siam duh zawnna (Request for Proposal) a ti chhuak.

Request of Proposal chhangtute atangin Mizoram Sawrkar chuan 5 star hotel atana Chaltlang Tourist Lodge siam duh hi a thlang ang. Request of Proposal hi ngaihven an awm a, chhang pakhat aia tam an awm beisei a ni. July, 2025 laihawlah Request for Proposal hi enfiah a ni ang.

Tarlan tawh angin, Mizoramah 5-star hotel a awm theihna atana hmalatu Tourism Minister hlui Lalrinpuii chuan November 11, 2024 khan thuthar thehdarhtute a kawmnaah, Chaltlanga Tourist Lodge chu 5-star hotel-ah siam a nih theih nan mimal hnenah hlan tum a nih thu a sawi a ni.

Lalrinpuii chuan, Mizoramah 5-star hotel a awm miah lo chu an vei thu sawiin, ram pum leh ram dang huap meeting lian tham Mizoramin a thlen theih loh phah ṭhin thu a sawi a, 'Hotel chain lian tak takte'n Mizorama 5-star hotel din an duhnate pawh kan hmu a, Chaltlang Tourist Lodge hi 5-star hotel a nih theih nan outsource mai turin hma kan la a, tih tur ang angte kan tifel nual tawh,' tiin an sorkar chhung ngeiin 5-star hotel neih theih an beisei thu a sawi.