Home

News

A merit-a lak an ni – Dr. Vanlalthlana

News

A merit-a lak an ni – Dr. Vanlalthlana

A merit-a lak an ni – Dr. Vanlalthlana

Education Minister Dr. Vanlalthlana chuan Mizoram State University (MzSU) hnuaia group D thawk tur lakah induhsak bikna awm loin, merit hmanga lak an nih thu sawiin, “A lungawi lo chu court-ah kal mai se,” a ti.

Vawiin (26.10.2026) a ZPM chhung inkhawmah thu Dr. Vanlalthlana chuan hnaia a department chana hna lak chungchanga beihna a tawh chu chhangin a sawifiah a, “MzSU atana thawk tur group D lakte chu, ram tihfel hun atan chauh ni loin, MzSU office lailawkah a tul anga thawk nghal tura lak an ni. Lunglei lamah Pisa tur tih fel huna sawn phei tur an ni. He hna lakah advertisement chanchinbu awm tawh lovah chhuah ni anga tar lan pawh, IPRP&S Department hian a inchhawkin chanchinbuah advertisement hi an pe mai thin a, tunhma lama duh duh an pe mai ang kha a ni tawh lo,” a ti.

Education Minister chuan chhungkhat leh hmelhriat induhsak bikna awm loin merit tak tak hmanga lak an nih thu sawiin, “A lungawi lo chu court-ah kal mai se, keini chuan kan ngam hle. Kan sawrkar tirh atangin hna lakah observer-te kan siam zawk a, kan hna lak reng rengah Congress leh MNF hruaitute atangin an chhungte tlin avanga lawm thu sawina kan dawng fo zawk, ‘In lak dan a dik hle mai’ an ti thin. Chu chu ZPM kalphung thar zawk chu a ni,” tiin group D written test neih loh chhan pawh sawrkar dan a nih vang a nih thu a sawi.

Dr. Mathlana chuan sawrkar hmasa MNF hunah khan advertisement loin Samagra Shiksha hnuaiah mi 700 dawn lak an nih thu sawiin, “SEDP teacher-ah pawh MNF unit kal tlanga party mi, Minister leh MLA chhungte eng emaw zat lak an ni zawk . Ha doctor lem thlengin lak an nih kha hre reng ila. Tuna group D lak dan veitute hian heng thilte thleng hian chhui let ve rawh se. ZPM hi mipuite, a bikin thalai hna zawngte nat ruala lo na tawh thin, thalai hna zawng, thiam loh vang ni lova tling lo thin kal khawmte pawh kan ni. Chu vangin kan sawrkar chinah chuan kan CM duh danin a tling leh fit chauh lak hi kan thupui ber a ni,” tiin a sawi chhunzawm.

More Posts

MPCC-in resolution an pass

MPCC chuan vawiin (18.11.2026) chhun khan Congress Bhavan-ah executive meeting an nei a, MPCC President Lal Thanzara’n politics a khelh chhan a sawi bakah, resolution an pass. Lal Thanzara chuan politics a khelh chhan chu chief minister nih a nih loh thu sawiin, “Ka tum ber chu kum 2028-a Mizorama Congress a sorkar ngei theih […]

Zanin Youth Icon chhunzawm dawn

EverHome Youth Icon 2026 third round intihsiakna chu zanin (18.11.2026) dar 8-ah neih leh a ni dawn a, Youth Icon 2024 Lalsangliana (Taitea) chuan amah lo endik tawhtute dawhkan tawmin guest judge-ah a tang dawn. Third round intihsiak zan khatna chu Thawhlehni zan khan LPS Studio, Zarkawtah neih a ni a, a zan hnihna chu […]

Lokyukta-in report an thehlut

Mizoram Lokayukta Act, 2014 bung 47-nain a phut angin Lokayukta Chairperson Lalmalsawma, IAS, (Rtd.) chuan vawiin (18.11.2026) hian Larsap General Vijay Kumar Singh hnenah Mizoram Lokayukta Annual Report Pasarihna a thehlut. Annual report hian April 1, 2025 atanga March31, 2026 inkar a huam a, Mizoram Legislative Assembly thutkhawmah pharh a ni ang. Lokayukta Chairperson hi […]